Nuk është thjesht "një emër për faqen", por është çka do ju përfaqësojë, sepse është një nga elementët karakterizues të imazhit të një kompanie në internet, ndaj mendohuni mirë para se ta zgjidhni. Duhet të jetë unik, i lehtë për tu mbajtur mend dhe i lehtë për tu diktuar. Ne do ju ndihmojmë të zgjidhni emrin e duhur për biznesin tuaj, sepse domain mund të ndikojë pozitivisht apo negativisht në pozicionimin e webfaqes tuaj. Domain-i kombëtar i nivelit të lartë .al tregon se biznesi juaj zhvillohet brenda terrtiorit shqiptar, por nëse faqja juaj nuk i drejtohet vetëm një klientele vendase, por synon të arrijë dhe klientë nga shtete të tjera, mund të përdoret .com.

Sot, konkurrenca është e ashpër dhe klientët blejnë tek ata që u japin besim. Një adresë emaili e personalizuar dhe e bazuar në doman përcjell menjëherë imazhin e një kompanie serioze, të vendosur, në hap me kohën, që kuron detajet dhe është e gatshme të shpenzojë për një komunikim profesional me klientët. Në fakt, sondazhet tregojnë se klientët kanë 9 herë më shumë mundësi të zgjedhin një biznes me një adresë emaili profesionale. Ndaj për të forcuar identitetin tuaj në internet dhe për të qënë vërtet konkurrues në treg, ne do krijojmë për ju të gjitha adresat email të nevojshme, të personalizuara e të lidhura me domain-in tuaj.

Të jesh prezent online, tashmë nuk është e mjaftueshme, por duhet të prezantosh biznesin tënd me stil. Je sipërfaqesor nëse e gjykon librin nga kopertina, por klientët që nuk ju njohin, do fillojnë të krijojnë një ide për biznesin tuaj nga profesionalizmi i shprehur në faqen tuaj zyrtare. Ndodh në jetën reale dhe ndodh në atë dixhitale. Për shumicën e klientëve tuaj, përshtypja e parë dhe imazhi janë të rëndësishme dhe ju duhet ti dedikoni vëmendjen e duhur dhe koston përkatëse. Do zgjedhim së bashku ngjyrat, logon dhe stilin e faqes tuaj të re, në mënyrë që të ketë një impakt vërtetë domethënës tek klientët e ardhshëm.

Identiteti i kompanisë dhe produkteve të saj komunikohet përmes imazheve, videove dhe tekstit. Imazhet, ngjyrat, struktura, paraqitja janë elementë themelorë për të mirëpritur klientin dhe për ta ndihmuar të gjejë atë që kërkon. Një faqe interneti profesionale duhet të jetë e thjeshtë për tu naviguar, funksionale dhe tërheqëse nga ana estetike. Jo një template e zakonshme që gjendet kudo, por me dizajn unik, ne do ju ndihmojmë të rifreskoni imazhin tuaj online, dhe së bashku do të krijojmë një faqe, e cila do t'ju përfaqësojë 100% dhe do të përcjellë tek klientët e mundshëm vizionin tuaj, vlerat dhe identitetin tuaj.

Web Vitals janë tregues shumë të rëndësishëm që lidhen me shpejtësinë dhe qëndrueshmërinë e një faqe në internet. Kjo iniciativë e re e Google, krijon standarte të reja për rrjetin dhe një semafor virtual për të gjitha faqet në internet. Një test i shpejtë përcakton gjëndjen dhe fatin e faqes. KREO krijon prej vitesh faqe me framework AMP, një projekt i financuar nga Google, për të krijuar standartet e cilësisë të së ardhmes në botën web. AMP ndihmon faqet të rrisin performancën dhe falë shumë optimizimeve të ndërmarra, siguron një shpejtësi që vlerësohet të jetë katër herë më e madhe se faqet që nuk janë të pajisura me këtë teknologji.

Krijojmë faqe, të cilat ndryshojnë në mënyrë dinamike dhe performojnë shumë mirë jo vetëm në desktop, por edhe në smartphone, tabletë dhe në gjithë dispozitivat e tjerë. Mund t'ju ketë rastisur që në Google të shikoni se disa faqe kanë këtë simbol: Këto faqe hapen menjëherë, pa pritur as një të qindën e sekondit. Këto faqe përdorin teknologjinë Accelerated Mobile Pages dhe janë dizenjuar për të dhënë shpejtesi maksimale. Për këtë arsye renditen në vendet e para të rezulateteve nga motorët e kërkimit. Të gjitha faqet që ne krijojmë, përdorin këtë teknologji

Zhvillojmë web applications të personalizuara dhe të integruara në faqe, sepse për të qenë të suksesshëm, nuk mjafton të ndiqni konkurrencën në risitë që ata sjellin, por është thelbësore që të jeni ju ata që sjellin risi, sepse garën e fiton kush arrin i pari. Të parashikosh se cila mund të jetë një risi me benefite për biznesin është shpesh aftësi dhe ndonjëherë thejsht çështje fati. Të kuptosh nevojat e përdoruesve dhe të krijosh produkte apo shërbime dixhitale që sfidojnë logjikën tradicionale të biznesit, kjo është vetëm aftësi sepse teknologjia është një siguri fitimi dhe mundësi reale ekspanidimi për biznesin tuaj.

Pse të mos e zgjeroni biznesin tuaj në mënyrë që të arrini një audiencë më të gjerë? Me versionet shumëgjuhëshe, do mund të mirëprisni jo vetëm klientë shqiptarë, por nga e gjithë bota. Ndryshimi i përmbajtjes nga një gjuhë në tjetrën bëhet me një klikim, por pa refresh, pa e rihapur faqen. Pra ajo që po lexoni, ndryshon në kohë reale kur ju zgjidhni një gjuhë tjetër. Por në të njëjtën kohë, secila faqe, në secilën gjuhë, do të ketë një link (adresë URL) të përcaktuar dhe atyre që kërkojnë në Google nga shtete të ndryshme, do u paraqiten versionet e secilës faqe në gjuhën e preferuar nga përdoruesi.

Krijimi i faqes suaj zyrtare në internetit dhe account-eve në mediat sociale është vetëm fillimi. Më pas, duhet të siguroheni që këto platforma të ndryshme të jenë integruara me njëra-tjetrën, në mënyrë që klientët të jenë në gjendje të ndërveprojnë dhe të angazhohen sa më shumë të jetë e mundur. Promovimi i anasjelltë i mediave sociale dhe faqes tuaj, do bëjë të mundur që të shtohen kanalet e komunikimit dhe kjo është diçka që duhet ta bëni nëse dëshironi të jeni konkurrues në treg. Bashkë me krijimin e një website për ju, Kreo merr përsipër ndërthurjen me rrjetet sociale ekzistuese ose të krijujara nga ne.

Interneti është i mbushur me biznese konkurrente dhe website-i juaj duhet të bëjë diferencën. Transformimi në klientë i atyre që vizitojnë faqen tuaj është qëllimi kryesor i projektit, ndaj duhet të trasmetojmë mesazhin e qartë dhe të fortë se ju ofroni një shërbim cilësor dhe profesional. Teknologjia dixhitale po ndryshon mënyrën sesi klientët ndërveprojnë me produktet dhe shërbimet on-line që ju ofroni. Kompanitë duhet ti kosiderojnë dhe ti trajtojnë ata që vizitojnë hapsirën tuaj dixhitale si klientë realë dhe jo si përdorues pasivë. Hapni vitrinën tuaj online me të gjitha produktet, një klikim larg klientëve.

Një webfaqe është kod, i cili analizhohet dhe vlerësohet nga motorët e kërkimit. Suksesi i faqes dhe i biznesit tuaj varet nga ky vlerësim. Kush merret me web design, duhet ti dedikojë kohë edhe optimizimit, por shumë herë ky proces anashkalohet, jo vetëm për çështje kohe, por edhe sepse është diçka që klienti nuk mund ta vë re. KREO ndjek të gjitha procedurat e rakomanduara që webfaqja juaj të gjendet lehtësisht dhe të jetë pozicionuar sa më mirë në Google. Zgjedhja e përmbajtjes cilësore është po aq e rëndësishme sa pjesa grafike. Si kurrë më parë, Google preferon përmbajtje cilësore dhe faqet me pak tekst dhe me pak përmbajtje mund të injorohen lehtësisht. Qëllimi ynë është t'ju ndihmojmë të zgjidhni përmbajtjen dhe fotot më të përshtatshme për të prezantuar punën tuaj.

Punojmë së bashku deri në përfundim të projektit në kontakt të drejtëpërdrejtë dhe jemi në dispozicion deri 3 muaj pas publikimit të faqes, për çdo problem që mund të haset. Interneti nuk është më një vend statik dhe ju duhet të keni njohuri të mjaftueshme informatike, spese faqja ka nevojë për ndryshime, mirëmbajtje dhe siguri. Gjithashtu ka pagesa vjetore për hostim, domain, çertifikatë SSL të cilat duhen kryer brenda afateve. Por ju mund të vazhdoni të drejtoni biznesin tuaj, teksa ne sigurohemi që gjithçka të funksionojë ashtu siç duhet, fale asistencës shtesë, karshi një tarife fikse vjetore.